ANO ANG TEKSTONG DESKRIPTIBO?
Ang tekstong deskriptibo ay isang pagpapahayag ng impresyon o kakintalang likha ng pandama. Sa pamamagitan ng pang amoy, panlasa, pandinig at pansalat, itinatala ng sumusulat ang paglalarawang mga detalye ng kanyang nararanasan.
Ito ay naglalayong magsaad ng kabuoang larawan ng isang bagay, pangyayari, o kaya naman ay magbigay ng isang konseptong biswal ng mga bagay- bagay, pook, tao, o pangyayari.
PARAAN NG PAGLALARAWAN
Deskriptibo ang isang teksto kung ito ay nagtataglay ng mga impormasyong may kinalaman sa pisikal na katangian ng isang bagay, lugar at maging ng mga katangiang taglay ng isang tao o pangkat ng mga tao, kalimitang tumutugon ito sa tanong na “Ano”.
Batay sa PANDAMA – nakita, naamoy, nalasahan, nahawakan, at narinig
Batay sa NARARAMDAMAN – bugso ng damdamin o personal na saloobin ng naglalarawan
Batay sa OBSERBASYON – batay sa obserbasyon ng mga nangyayari
URI NG PAGLALARAWAN
- KARANIWAN
Karaniwan ang paglalarawan kung nagbibigay ng impormasyon ayon sa pangkalahatang pagtingin o pangmalas.
SA KARANIWANG PAGLALARAWAN:
Ang damdamin at opinion ng tagapaglarawan ay hindi dapat isinasama.
Gumagamit lamang ito ng mga tiyak at karaniwang salitang panlarawan at itinala ang mga bagay o ang mga particular na detalye sa payak na paraan.
HALIMBAWA:
Maganda si Mathet. Maamo ang mukha lalo pang pinatingkad ng mamula – mula niyang pisngi. Mahaba ang kanyang buhok na umaabot hanggang sa beywang. Balingkinitan ang kanyang katawan na binagayan naman ng kanyang taas.
- MASINING
Masining ito kung ito ay nagpapahayag ng isang buhay na larawan batay sa damdamin at pangmalas ng may akda. Karaniwang pili ang mga ginagamit na salita sa paglalarawan, kabilang na ang paggamit ng mga uri, pang abay, tayutay, at idyoma.
SA MASINING NA PAGLALARAWAN
Ang mga detalyeng inihahayag dito ay nakukulayan ng imahinasyon, pananaw at opinyong pansariling tagapagsalaysay.
Mas layunin itong makaantig ng kalooban ng tagapakinig o mambabasa para mahikayat silang makiisa sa naguniguni o sadyang naranasan nitong damdamin sa inilalarawan.
HALIMBAWA:
Muling nagkabuhay si Venus sa katauhan ni Matet. Ang maamo niyang mukha tila anghel ay sadyang kinahuhumalingan ng mga anak ni Adan. Alon- alon ang kanyang buhok na bumagay sa kainggit inggit niyang katawan at taas.
KATANGIAN NG DESKRIPTIBO
Masasabing subhetibo ang paglalarawan kung ang manunulat ay maglalarawan nang napakalinaw at halos madama na ng mambabasa subalit ang paglalarawan ay nakabatay lamang sa kanyang mayamang imahinasyon at hindi nakabatay sa isang katotohanan sa totoong buhay.
Masasabing obhetibo naman ang pagalarawan kung ito ay may pinagbatayang katotohanan. Halimbawa, kung ang lugar na inilalarawan ng isang manunulat ay isa sa magagandang lugar sa bansa na kilala rin ng kanyang mga mambabasa, gagamit pa rin sya ng sarili niyang mga salitang maglalarawan sa lugar subalit hindi sya maaring maglagay ng mga detalyeng hindi taglay ng kanyang mga paksa.
APAT NA MAHALAGANG KASANGKAPAN NA GINAGAMIT SA MALINAW NA PAGLALARAWAN
- WIKA
Kung ang isang pintor ay pinsel ang ginagamit upang mailarawan niya ang kagandahan ng kanyang modelo, ang isang manunulat naman ay wika ang ginagamit upang makabuo ng isang malinaw at mabisang paglalarawan. Karaniwang ginagamit dito ang pang uri at pang abay.
- MAAYOS NA DETALYE
Dapat magkaroon ng masistemang pananaw sa paglalahad ng mga bagay na makatutulong upang mailarawang ganap ng isang tao, bagay, pook, o pangyayari. Kapag maayos ang pagkalahad ng mga detalye, ang mga bumabasa o nakikinig ay nagkakaroon ng pagkakataon na pakilusin ang kanilang imahinasyon upang mailarawan sa isip ang mga bagay bagay na inilalarawan.
- PANANAW NA PAGLALARAWAN
Maaring magkaiba iba ang paglalarawan ng isang tao, bagay, ppok, o pangyayari salig na rin sa karanasan at saloobin ng taong naglalarawan. Ang isang pook, halimbawa, ay maaring maganda sa isang naglalarawan habang ang isa naman ay hindi kung ito ay nagdulot sakanya ng isang di magandang karanasan.
- ISANG KABUOAN O IMPRESYON
Dahil ang layunin ng paglalarawan ay makabuo ng malinaw na larawan sa imahinasyon ng mga mambabasa, mahalaga sa isang naglalarawan na mahikayat ang kanyang mga mambabasa o taga pakinig nang sa gayon ay makabuo sila ng impresyon hinggil sa inilalarawan. Dito ay sama- sama na ang bisa ng wika, maayos na paglalahad ng mga detalye, at ang pananaw ng naglalarawan.
TANDAAN
> Isang teksto na dapat tandaan sa pagbuo ng tekstong deskriptibo ay ang relasyon nito sa iba pang uri ng teksto. Ang paglalarawan kasing ginagawa sa tekstong deskriptibo ay laging kabahagi ng iba pang uri ng ng teksto partikular ang tekstong naratibo kung saan kinakailangang ilarawan ang mga tauhan, ang tagpuan, ang damdamin, ang tono ng pagsasalaysay, at iba pa.
Nagagamit din ito sa paglalarawan sa panig na pinaniniwalaan at ipinaglalaban para sa tekstong argumentatibo, gayundin sa mas epektibong pangungumbinsi para sa tekstong persuweysib o paglalahad kung paano mas magagawa o mabubuo ng maayos ang isang bagay para sa tekstong porsidyural.
Upang maging mas mahusay ang pagkakahabi ng tekstong deskriptibo bilang bahagi ng iba pang uri ng teksto o kaya’y maging mas malinaw ang anumang uri ng tekstong susulatin, kinakailangan ang paggamit ng mga cohesive device o kohesyong gramatikal.
Ang mga teksto ay hindi lang basta binubuo ng magkakahiwalay na pangungusap, parirala, o sugnay, bagkus ang mga ito ay binubuo ng magkakaugnay na mga kaisipan kaya’t kinakailangan na ang mga salitang magbibigay ng kohesyon upang higit na lumitaw ang kabuluhan at kahulugan ng bawat bahagi nito.
- Reperensya
- Anapora
- Katapora
- Substitusyon
- Ellipsis
- Pang- ugnay
- Kohesyong Leksikal
Sheena Ellaine Caballero
Maganda at madaling pakibagayan. Iyan ang impresyon ng sinumang makakaharap ni Linda. Dala marahil iyon ng kanyang mapang-akit na mga mata na nakahahalina sa sinumang makakakita nito. Ang kanyang namumurok na pisngi at ang napakalalim na bilog ay lalong nagpapaganda sa kanyang mukha kung siya ay tumatawa.
Parang iginuhit ang kanyang kilay at nagtataglay ng mga pilikmatang malantik at mahahaba naand lalong makatutulong sa kanyang pagtawa, mapapansin mo ang pantay pantay at mapuputi niyang ngipin. Ayon sa marami, ang mahaba at maitim niyang buhok ang nagsisilbing pang-akit ni Linda sa mga lalaki.
Zeny Bajao
“Tahimik ang paligid at walang ibang maririnig kundi ang awit ng ibon at tunog ng mga dahon na sumasayaw sa ihip ng hangin”
“Ang kanyang kagandahan ay walang katumbas. Ang kanyang mga labi ay pula at ang malaporselanang kutis ay nagbibigay ng tingkad sa kanyang itsura.”
Melanie Napigkit
Matamis ang malaking manggang dala ni Julie mula sa malayong lalawigan ng Cebu.
Magaling umawit ang batang si Lyca kaya naman siya ang nanalo sa malaking patimpalak.
Iginagalang ng mga mag-aaral si Gng. Santos dahil magiliw itong guro at mataas magbigay ng marka.
Magaspang ang papel de liha na nahawakan kong laman ng kahong iyon.
Sadyang napakalawak ng hardin nina Alice at napakaraming ring makukulay na bulaklak.
Honey Colinares
Paglalarawan ng pamilya
Ang pamilya ang tinaguriang pinakamaliit na sangay ng lipunan. Sa loob ng isang pamilya, maari ring makabuo ng isang pamahalaan o gobyerno . Ang mga magulang ang namahalaan at ang mga anak ang mga mamamayan.
Ang pamilya ay grupo dalawa o higit pa sa dalawang tao na magkaugnay sa dugo, sa bisa ng sakramento ng kasal o sa pamamagitan ng pag-aampon o paninirahan sa isang tirahan. Mahalaga ang pananatili ng pamilya dahil ito ang tumutugon sa maraming pangangailangan tulad ng pangangalaga sa mga batang kasapi nito. Ito ay binubuo ng papa at mama, kuya , ate, bunso .
Para sa akin ang tunay na masayang pamilya ay samahan na ang itinaguyud ng nanay
at tatay na tinatawag na magulang. Ang nanay ay tinatawag na liwanag ng tahanan o
Ilaw , ginagawa ng nanay ay inaalagaan ang mga anak at ang kanyang asawa. Ang ama naman o tinatawag na puno ng tahanan ay siyang nagtataguyod ng kanyang pamilya at siya ang responsable sa paghahanapbuhay para sa kanyang pamilya, ang tatay ang
nagbibigay ng benepisyo sa kanyang mga anak at asawa. Ang malaking pamilya ay masaya na may halong hirap at maraming pagsubok na dapat nating harapin. tulad namin.
Marami kaming magkakapatid kaya tudo trabaho si papa para may pang to stop kami sa aming paaral .
Madaling harapin ang mga pagsubok na ito kapag ang buong pamilya ay sama-sama at tulong-tulong para sa ikauunlad ng bawat isa. Ang pamilya ang pinakamahalagang tao salipunan pinag tibay
nito ang kanilang pudasyon na Kahit anong unos na darating hindi mawasak .
Ang pudasyon na ito ay ang pagmamahalan . Ang tahanan ang siyang somesimbulo ng matatag at buong pamilya. Ang pamilya ay may dalawang uri una nuclear family at ang
pangalawa ay extended family. Nuclear family nanay at tatay at manga anak.
Extended family kapariho ng nuclear family ngunit kasama ang iba pang kamgaanak
Tulad ng lolo lola tiyahin. .
Emelyn Faelmoca
Iniiwasan si Jessa ng kaniyang mga kalaro dahil maraming kuto ang bata.
Mabula ang nabiling sabon ni nanay kumpara sa mamamahaling brand na binibili niya noon.
Si Aling Susan ay ang matabang babae sa may kanto na laging naka-daster at nakasimangot.
Paborito ko ang kantang ‘Ako ay Pinoy’ dahil maganda ang pagkakasulat sa liriko ng kanta.
Paskong-pasko na sa bahay ng mga Alonzo dahil sa makukulay na palamuting nakasabit sa kanilang malaking gate.
Sherilyn Dequintos
BORACAY
Boracay ay isang tropikal na pulo na tinatayang matatagpuan sa 315 km (200 milya) sa timog bg Maynila at 2 km sa hilagang kanlurang dulo ng pulo ng Panay sa Kanlurang Visayas sa Pilipinas.
Ang Boracay ay angna pinakamatanyag na baybayin na dinarayo ng mga turista. Ang pinakamagandang bahagi sa isla ay ang apat na kilometrong ‘White Beach’ na ito ang pinakamagandang baybayin sa boung mundo. Ang nagpapaligid nitong tubig ay mababaw at ang buhangin mas mapino at maliwanag sa ibat ibang baybayin sa kapuluan.
Razaeljane Monceda
Masining na paglalarawan ng Araw
Ang sinag mo ay sadyang napakahalaga, sa tao sa hayop at maging sa mga halaman ikaw ang dahilan kung bakit kami ay may lakas at sigla.
Masining na paglalarawan ng Ulap.
Kung ikaw ay pag mamasdan sa bughaw na kalangitan animo ay bulak na nakasabog sa kalawakan. Ang ibat-ibang hugis na sadyang nakakaakit sa mata ng mga taong sa iyo ay tumititig.
Dahlia Marie Cuadra
Masining na paglalarawan sa Buwan
Ikaw ang nagbibigay ng liwanag sa gabing madilim, kay ganda mong pagmasdan sa kalangitan lalo na kung napapalibutan ng bituing makikinang.
Masining na paglalarawan sa Langit
Ang langit ay hinahangad ng bawat nilalang, oo nga at pag tumingala ka ay abot tanaw mo lamang, pero kaylangan mong mabuhay ng marangal upang langit na iyong pangarap ay iyong makamtan.
Mark James Tampon
Si Benedicto ay mapayat na matangkad.
Ang eskinita na iyon ay masikip, madilim, at mayroong hindi magandang amoy.
Dumalaw ang isang kulot na lalaki sa anak mo kanina.
Tekstong Deskriptibo 